A/B թեստը նպատակ ունի համեմատել երկու տարբերակների արդյունքը միմյանց հանդեպ: Պրոդուկտ մենեջմենթի մեջ A/B թեստերը հաճախ օգտագործվում են լավագույն արդյունք ցուցաբերող տարբերակը բացահայտելու համար:

A/B թեստավորում - մարքեթինգային հետազոտության կամ վերլուծության մեթոդ, որտեղ թեստավորվող փոփոխականները փորձարկվում են տարբեր սցենարներով, տարբեր այլընտրանքային ռազմավարություններով՝ տարբերակներից վերջնական ամենաարդյունավետը հասկանալու համար:

Above the Fold - Տպագիր մամուլի՝ ամսագրի, թերթի կամ այլ որևէ նյութի վերին հատվածը, կեսը, որը տեսանելի է անմիջապես, առանց ծալելու կամ վեբ էջի այն հատվածը, որը տեսանելի է անմիջապես կայքէջը բացելիս:

Access point – սարք, որը թույլ է տալիս անլար համակարգիչներին և այլ սարքերին հաղորդակցվել լարային ցանցի հետ:

Ad copy - Հիմնականում ցանկացած տպագիր կամ թվային տեքստ, որն օգտագործվում է գովազդում։ 

Ad Impressions - գովազդի ցուցադրությունների հանրագումարը։ Այսպես կարելի է չափել ցուցադրված գովազդը քանի անգամ է դիտվել, սակայն կարևոր է այն չշփոթել reach-ի հետ:

Ad Server - գովազդի սերվերը, որտեղ պահվում են գովազդային նյութերն ու մատակարարվում, ցուցադրվում կայքի այցելուներին։ 

Գովազդային տարածք - կայքէջում առանձնացված հասանելի տարածք, որտեղ հնարավոր է ցուցադրել գովազդներ։

Ad Words - այն բառացի թարգմանություն չունի, քանի որ ոչ թե ուղղակիորեն նշանակում է գովազդային բառեր, այլ նկատի է առնվում գովազդային համակարգը։

AdSense – Google ընկերության կողմից մատուցվող կոնտեքստային գովազդների հարթակ։ 

Advertising - գովազդ՝ վճարովի առևտրային հաղորդագրություն, որն ուղղված է խթանելու որևէ առաջարկ, ծրագիր, պրոդուկտ միջոցառում և այլն։ 

Advertising Plan - Գովազդային պլան, որը հստակ ցուցադրում է, ուրվագծում, թե ինչ նպատակների է ուղղված գովազդային արշավը, ինչպես հասնել այդ նպատակներին և ինչպես որոշել, թե վերջնարդյունքում արդյո՞ք արշավը հաջողել է, թե ոչ: 

Advertorial - Գովազդային նյութ - գովազդ, որը նման է լրատվական կամ խմբագրական հոդվածի, հանդիպում է և տպագիր, և թվային հաղորդակցության մեջ։ Նմանատիպ հոդվածները հիմնականում խթանում են որևէ ծրագիր, պրոդուկտ, ծառայություն կամ նույնիսկ  որևէ անձի տեսակետ:

Agile-ը nախագծերի կառավարման, պրոդուկտի զարգացման մեջ մեթոդաբանություն է, որի ժամանակ թիմերը աշխատում են համապարփակ, աստիճանական «սպրինտներով», և այնուհետև հաճախակի վերախմբավորում են աշխատանքը՝ վերանայելու և ըստ անհրաժեշտության փոփոխություններ կատարելու համար:

Alias ​​- կարճ, հեշտ հիշվող անուն, որը ստեղծվում է ավելի երկար, ավելի բարդ անվան փոխարեն օգտագործելու համար։ Սովորաբար օգտագործվում է էլեկտրոնային հասցեի հավելվածներում: Նաև կոչվում է nickname` մականուն:

Apex - տառի վերևի կետը, որտեղ երկու գծերը հատվում, հանդիպում են, ինչպես օրինակ լատինատառ՝ մեծատառ «A»:

API - Application programming interface՝ ծրագրավորման ինտերֆեյս: API-ն արձանագրությունների և հրահանգների շարք է, որոնք գրված են ծրագրավորման լեզուներով (Java, Python, C++, և այլն.), որոնք որոշում են, թե ինչպես են երկու ծրագրային բաղադրիչները հաղորդակցվելու միմյանց հետ:

Arc - տառի ցանկացած կոր եզրագիծ: