Հաճախորդների ներգրավման ծախս (CAC) - նոր հաճախորդի ձեռքբերման հետ կապված ծախսերի հանրագումարը:

Cache - Քեշերը - կոշտ սկավառակի վրա պահված ֆայլերի շարք են, որոնք օգնում են ձեր զննարկչին՝ բրաուզերին ավելի արագ ցուցադրել արդեն այցելած էջերը: Այն ցուցադրում է ձեր կոշտ սկավառակի ֆայլերը համացանցից տեղեկությունը գտնելու փոխարեն:

Captcha - արձագանքման թեստ՝ բարդեցված տեքստային պատկերի տեսքով, որն օգտատերը պետք է մուտքագրի, որպեսզի համակարգը որոշի՝ օգտատերը մարդ է, թե ավտոմատացված բոտ:

Cloud computing-ը համակարգչային և տեխնոլոգիական ռեսուրսների մատակարարումն է համացանցի միջոցով: Այս վեբ ռեսուրսների օրինակներից են տվյալների պահեստավորումը, սերվերները և ծրագրավորման շատ գործիքներ:

CMS - կոնտենտի կառավարման համակարգը գործընթացների համախումբ է, որն օգտագործվում է համակարգված միջավայրում կոնտենտի հետ աշխատանքային հոսքը կառավարելու համար: CMS-ում տվյալները կարող են լինել ցանկացած ձևի և ֆորմատի՝ տեքստ, նկար, տեսանյութ, ֆայլեր, հեռախոսահամար, աղյուսակ և այլն:

Conversion rate - թվային մարքեթինգում այն կոնվերսիայի ցուցանիշն է, որով չափվում է կայքի այցելուների՝ մեր կողմից կանխամտածված և ցանկալի գործողությունը։ Դա կարող է լինել օնլայն գնումը, բաժանորդագրությունը, ֆորմաների լրացումը, և այլն։

Cookie - Տեղեկատվություն, որը կարող է պահանջվել կայքի այցելուներից ընդունել՝ որոշակի սերվերներին վեբ բրաուզերի միջոցով միանալիս: Այն օգտագործվում է ամբողջ սեսսիայի ընթացքում՝ որպես ձեզ նույնականացնելու միջոց:

CPC - cost per click-ը գովազդային վճարման մոդելներից մեկն է, որն օգտագործվում է թվային գովազդի յուրաքանչյուր սեղմման համար գովազդատուներից գումար գանձելու համար:

Կենտրոնական պրոցեսորային միավոր (CPU) - կենտրոնական պրոցեսորային միավորը կամ համակարգչային պրոցեսորը համակարգի առաջնային ապարատային բաղադրիչն է: Այն պատասխանատու է հրահանգների և ծրագրերի մշակման ու կատարման համար:

Հաճախորդների հետ հարաբերությունների կառավարում (CRM) - համակարգեր, ծրագրեր, որոնք օգնում են բիզնեսներին կառավարել իրենց հաճախորդների հետ հարաբերությունները։ Այսպիսի ծրագրերում պահպանվում և կառավարվում են հաճախորդների վերաբերյալ տեղեկություններ, որտեղ առկա են բավականաչափ շատ մանրամասներ իրենց մասին՝ անձնական տվյալներից մինչև յուրաքանչյուր հաճախորդի հետ իրականացված հաղորդակցություն:

Crowdfunding - բիզնես գաղափարը ֆինանսավորելու միջոց` հանրության կողմից դրամական նվիրատվությունների միջոցով: Այն սովորաբար տեղի է ունենում օնլայն՝ crowdfunding կայքերի միջոցով: Այն հնարավորություն է տալիս գումար հավաքել մեծ թվով մարդկանցից դրամահավաքի միջոցով:

CTR - հապավում Click Through Rate տերմինի։ Հայերեն բառացի թարգմանության անհրաժեշտություն առկա չէ, այն ցույց է տալիս տվյալ գովազդի ցուցադրությունների և click-երի՝ սեղմումների հարաբերակցությունը։