Ակտիվ
Ակտիվ - տնտեսական արժեք ունեցող ապրանք, գույք, ինչպես, օրինակ, բաժնետոմսը կամ անշարժ գույքը: Այն պատկանում կամ վերահսկվում է անհատի, ընկերության կամ կազմակերպության կողմից: Ակտիվները կարող են ներառել ֆիզիկական ակտիվներ, ինչպիսիք են գույքը և սարքավորումները, ֆինանսական ակտիվներ, ինչպիսիք են բաժնետոմսերը և պարտատոմսերը, և ոչ նյութական ակտիվներ, ինչպիսիք են արտոնագրերը և ապրանքային նշանները: Ակտիվները գրանցվում են հաշվեկշռում և ներկայացնում են կազմակերպության տնտեսական արժեքը:
Crowdfunding - բիզնես գաղափարը ֆինանսավորելու միջոց` հանրության կողմից դրամական նվիրատվությունների միջոցով: Այն սովորաբար տեղի է ունենում օնլայն՝ crowdfunding կայքերի միջոցով: Այն հնարավորություն է տալիս գումար հավաքել մեծ թվով մարդկանցից դրամահավաքի միջոցով:
Հաշվետու ժամանակաշրջան- այն ժամանակը, որի համար սովորաբար հաշվարկվում է շահույթը։ Հիմնականում այդ ժամանակաշրջանը լինում է ամիս, եռամսյակ կամ տարի:
Վարկային զեկույց - վարկային բյուրոյի կողմից տեղեկատվության փոխադարձ փոխանակման հիմունքներով գործընկերներին տրամադրվող վարկային տեղեկատվություն վարկային տեղեկատվության սուբյեկտների (վարկառուների) վերաբերյալ:
Վարկային պատմություն - հաշվետվություն, որը մանրամասն ներկայացնում է անհատի կամ բիզնեսի վարկային պարտավորությունները: Վարկային հայտը գնահատելիս վարկատուն կարող է վարկային պատմության հարցում կատարել:
Վիրտուալ արժույթ - էլեկտրոնային փող։ Դա արժեքի թվային ներկայացում է, որը չի թողարկվում կառավարության կողմից, ինչպիսին է կենտրոնական բանկը կամ պետական մարմինը, այլ ընդունվում է որպես վճարման միջոց և կարող է փոխանցվել, պահպանվել կամ վաճառվել էլեկտրոնային եղանակով:
Տարեկան եկամտաբերություն - ներդրումից շահույթը կամ վնասը մեկ տարվա ընթացքում: Տարեկան եկամտաբերությունը մեկ տարվա ընթացքում գոյացած ներդրումների վերադարձն է, հաշվարկվում է որպես ներդրման սկզբնական գումարի տոկոս:
Փոխարժեք - Թիվ, որն օգտագործվում է փողի արժեքը երկու տարբեր երկրներում/արժույթներով համեմատելու համար: Օրինակ, այն որոշում է, թե որքան պեսո կամ եվրո կարող եք ստանալ մեկ ԱՄՆ դոլարի դիմաց: